Iloilo City–Ginpakamaayo sang Philippine Coast Guard-Iloilo Station nga pa-untaton ang biyahe sang mga fastcrafts nagabiyahe Iloilo City pa-Bacolod City sugod kaina sang kaagahon.

Suno kay Lieutenant Edison Diaz, station commander sang Coast Guard-Iloilo, mabaskug ang current sang tubig sa tunga-tunga sang Iloilo kag Guimaras gani ginmandu sini ang pag-untat sang biyahe sugod sa first trip kaina. Ibalik lang suno sa iya sa regular ang biyahe kon mag-ayo na ang panahon.

Regular naman ang biyahe sang mga pumpboats pa-Guimaras kag vice versa subong nga adlaw bisan nakasulod na sa Philippine Area of Responsibility ang Bagyo Hanna.  Apang ginbuhinan sang Coast Guard sang 50% ang makasakay nga pasahero agud malikawan ang disgrasya. Halin sunrise tubtob sunset lang ang biyahe sang pumpboats kag dapat nga nakasuksok sang life jacket ang tanan nga pasahero. (Aine Grace Bravo)

 

Leave a Reply