Pontevedra, Capiz–Naka-umpisa na sa pag-imbestigar ang National Bureau of Investigation sa isyu sang tagtaganay sang Emergency Shelter Assistance sa Brgy. Tacas, Pontevedra, Capiz.

Kasunod ini sang nabaton nga mga reklamo sang mga benepisaryo sang ESA nga nag-alegar ginkadtuan sa ila balay sang punong barangay kag ginkuhaan sang tag-10 mil pesos. Suno kay Atty. Jeremiah Sargado, executive officer sang NBI 6, nakumpirmar nila nga may mga benepisaryo gid man sang ESA sa nasambit nga barangay nga ginakuhaan sang bulig pinansyal.

Madamo man sang nagpalapit nga benepisaryo kag nag-angal nga wala pa nahatagan sang ESA bisan yara na ang ila mga pangalan sa masterlist. Ginrason suno sa iya sang punong barangay nga ihatag sini sa iban nga benepisaryo nga wala nadala sa listahan ang ginkuha nga tag-10 mil pesos. Apang wala man sini ginasugid kon sin-o ang mga hatagan sang bulig pinansyal rason nga nagduda ang mga tagreklamo. (Aine Grace Bravo)

Leave a Reply