Nemesio Martirez
Isa ang patay sa Western Visayas sa paglaslas sang hangin habagat dala sang bagyo Hanna .
Base sa record sang Office of Civil Defense (OCD) 6 nakilala ang napatay kay Mario Siazon 56 anyus sang Sityo Anita Kabankalan City, Negros Occidental samtang na-rescue naman ang iya bata nga dalagita nga naga edad sang 12 anyus.
Nagtabok sa creek ang mag-amay suno kay OCD-6 director Rosario Cabrera sang na-abtan sang mabaskog nga dalodo sang tubig. Samtang 9 ka pamilya ang gin-evacuate sa San Lorenzo Guimaras, 8 ka pamilya halin sa Barangay Cadano kag isa ka pamilya halin sa Barangay Chaves.
May landslide man sa Barangay Maragobdob, San Remegio, Antitue kag sa Barangay Atimonan Janiuay.
Naguba ang balay sang pamilya Hamili sa Atimonan, Janiuay matapos natabunan sang nagtiphag nga duta.
Samtang 28 ka pamilya sa Barangay Calubihan Jaro ang gin-evacuate matapos nagta-as ang tubig sa Dungon Creek.