Jocelyn Gelloagan-Maque
Napatay sang Banate police kag Philippine Drug Enforcement Agency (PDEA) 6 agents ang lalaki nga ginapatihan gwardya sa compound sang pamilya Onofre sa Barangay Managopaya, Banate nga ginsulong kaina sang kaagahon bangud ginadudahan nga repacking center sang illegal nga druga.
Suno kay PDEA 6 Director Paul Ledesma, nasulod na sang mga operatiba ang compound sang nabatian ang gahud sa isa ka kubo nga ginsundan sang pagpalupok sang pusil rason nga nagbalos ang mga otoridad.
Nasapwan si Bernie Gerverro sang Tapaz, Capiz nga patay na bangud sang pilas sang pagkatiro sa baba nga naglapos sa iya puwak.
Narecover sa balay ni Warlito Onofre, 55 anyos, ang P80,000 tubtub P100,000 nga balor sang suspected shabu, duha ka shot gun, isa ka 38 caliber revolver kag isa ka rifle.
Nadakpan si Warlito kag bata sini nga si Wilmar, asawa ni wilmar kag si alyas Christian nga nagpakilala nga menor de edad.
Samtang at-large ang isa pa ka bata ni Warlito nga si Warren. Ang mag-amay ang subject sa search warrant sang mga otoridad.