Jocelyn Gelloagan-Maque

Nagluntad ang sunog sa duha ka mga banwa sa probinsya bisan pa nga panahon subong sang tig-ululan.

Anum ka mga balay ang totally-damaged sa sunog sa Barangay Baybay Norte, Miag-ao kaina sang aga.

Ginpahayag ni Senior Inspector Cyril Octavio sang Miag-ao PNP nga nasunog ang balay nanday Dominador Fernandez, Giovanni Tan, Antonio Dela Cruz, Dennis Dela Cruz, Antonio Tan kag Ildefonso Penetrante.

Madasig ang pagtupok sang kalayo bangud lunsay human sa light materials ang nasambit nga mga balay.

Samtang, isa ka balay ang totally-damaged kag tatlo ka balay ang partially-damaged sa sunog sa Poblacion B, Dueñas.

Madasig man nga napalong ang kalayo suno kay SFo4 Ricarte Palencia bangud sa madasig nga pagresponder sang mga firetruck halin sa kaiping nga kabanwahanan kag sa syudad sang Passi.

Wala man sang may  ginreport nga casualties kag injuries sa nasambit nga sunog.

Leave a Reply