11846313_10204852134971024_1491309962_n

Jaro, Iloilo City–Indi magpati si Mr. Adriano Navilla Sr nga naghikug ang iya bata nga nagapang-obra sang slug sang bala bangud mabuot ini kag wala sang iban nga bisyo.

Kilala nga masinadyahon suno sa iya si Adriano Jr kabangdanan wala siya sang may matumod nga rason agud magpanginmatay ang iya bata. Nasapwan nga patay si Adriano Jr, 22-anyos sang North Baluarte, Molo, sa ginatulugan nga kuwarto sa sulod sang compound sang Pyrocast Engineering sa MH del Pilar, Jaro nga may pilas sa leog kag tiyan.

Indi pa direkta nga mahambal sang mga otoridad kon si Adriano Jr ang nagsulat sang mga tinaga sa dingding sang iya kuwarto nga “buhay pa ako” gamit ang dugo kag kon ini man ang nag-engrave sang mga tinaga nga “buhay pa” sa lamesa. May gina-uyatan nga kutsilyo si Adriano Jr sang nasapwan.

Ipa-autopsy ang bangkay ni Adriano Jr agud mahibaluan kon may foul play sa iya pagkapatay. (Aine Grace Bravo)

Leave a Reply