Iloilo City: Kontruksyon sang GIFT sa Parola Area, Mahimo na Padayunon matapos Nakakuha sang Locational clearance ang Developer sang Proyekto

Jocelyn Gelloagan-Maque

Mahimo na nga padayunon sang Double Dragon Properties Corporation ang konstruksyon sang Guimaras-Iloilo Ferry Terminal (GIFT) sa Parola Area, City Proper.

Ini matapos nakakuha sang locational clearance ang developer sa Zoning Board kag ang masunod nga proseso amo naman ang pagkuha sang building permit.

Ginpahayag ni City Engineer Bobby Divinagracia nga iya pirmahan ang application sang building permit kon makabayad ang Double Dragon sang P600,000.

Ginpa-untat ang GIFT project sang Abril bangud wala naka-secure sang locational clearence kag building permit ang Double Dragon.