UPDATE

Jocelyn Gelloagan-Maque

Nakapadala pa sang mensahe sa iya manghud paagi sa Facebook messenger si Adriano Navilla, Jr. sang North Baluarte, Molo nga nasapwan patay sa kwarto sang iya gina-obrahan sa Pyrocast Engineering nga nagapang-obra sang slug sang bala sa MH Del Pilar, Jaro kahapon.

Suno kay Ariane Navilla, aga na sini nabasahan ang ginpahayag mga mensahe halin sa magulang nga ginpadala halin ala-1:55 tubtob alas-3 sang kaagahon.

Sa mga mensahe suno kay Navilla, makapila ka beses ginhambal ni JR nga buhi pa siya.

May gintudlo man si JR nga pulis kag isa ka lalaki nga suno sa iya, involved sa natabu sa iya.

Nasapwan sang iya upod sa trabaho si JR nga may pilas sang pagkabuno sa tiyan kag laslas sa leog.

May nakita man nga gina-uyatan nga kutsilyo ang lalaki.

Nagalibog ang ulo sang pamilya Navilla bangud may nasulat sa dingding sang kwarto gamit ang dugo nga “buhay pa ako j-r” kag may na-engrave sa lamesa nga “buhay pa” gani indi sila magpati nga nagpanginmatay si JR.

Leave a Reply