UPDATE

Iloilo–Ginpanghiwala ni Warlito Onofre Jr, bata ni Warlito Sr nga isa sa mga naaresto sa raid sang PDEA 6 sa Managopaya, Banate, nga may kahilabtanan sa illegal drugs trade ang ila pamilya.

Gintudlo ni Warlito Jr ang iya magulang nga si Warren nga amo lang ang naga-engage sa mga illegal activities bangud nadakpan na ini sadtu. Wala man siya sang ideya nga naga-repack sang illegal drugs sa ila balay ang utod bangud sa syudad sang Iloilo kag sa Guimaras siya masami nagatiner. Bisan ang iya ginikanan ang wala man nagkulang sa paglaygay kag pagsaway kay Warren apang wala ini nagapati.

Inosente man suno kay Warlito Jr ang iya amay sa akusasyon kag imposible nga mag-intra sa illegal nga mga butang.

Nagpangabay man si Warlito Jr kay Warren nga mag-ulikid sa ila pamilya paagi sa pagsurrender kag atubangon ang kaso. Nagpanawagan ini sa magulang nga paminsaron ang ila ginikanan kag utod nga nagsakripisyo sa ginhimo sini. (Aine Grace Bravo)

Leave a Reply