11872875_968874286507038_1262060399_n
Ang patrol car sang police nga ginlampusan.

Lapuz, Iloilo City–Ginlampusan sang pala sang ginpahayag bangag nga lalaki ang nakaparada nga patrol car sang police sub-station sa Bo. Obrero, Lapuz kagab-i.

Suno kay PO2 Bryan Yanson sang Lapuz Police Sub-station, nagahimo sila sang visibility kag security operations may kaangtanan sa coronation night sang nasambit nga barangay sang gulpi lang nagsinggit ang suspek nga si Julius Benliro, 36-anyos, samtang nagalisik ang mata kag may bitbit nga pala. Gilayon sini nga ginlampusan ang patrol car apang ginsaway sang iya himata.

Maka-apat gid ka beses nga ginlampusan ni Benliro ang patrol car sa windshield, tuo nga puwertahan kag atop. Gin-ako sang pamilya ni Benliro nga makapila na ka beses nga ginpa-rehab nila ang ila himata.

Nagpasalig naman ang pamilya sang suspek nga bayaran ang damage sa patrol car. (Aine Grace Bravo)

Leave a Reply