drug bust 2Barotac Nuevo, Iloilo–Nadakpan sa drug bust operation sang Barotac Nuevo police ang barangay kagawad bangud sa ginpahayag pagduso sang illegal nga druga.

Suno kay Insp. Sollen Domingo, hepe sang Barotac Nuevo PNP, nabaklan sang 300 pesos nga balor sang suspected shabu si Barangay Kagawad John Bayag, 37-anyos sang Barangay Linao sa amo man nga banwa. Nakuhaan man ini sang P1, 031 nga cash kag pito pa ka sachets sang suspected shabu.

Ginpahayag ni Domingo nga nagsaka na sa provincial level nga drug personality watchlist si Bayag bangud nga barangay official ini.

Gin-ako suno sa iya ni Bayag nga madugay na siya nagabaligya sang illegal drugs kag sa syudad sang Iloilo nagakuha sang supply. (Aine Grace Bravo)

Leave a Reply