Iloilo–Wala sang pagbag-o sa presyo sang semento subong nga semana base sa monitoring sang Department of Trade and Industry Iloilo.
Ginpahayag ni DTI-Iloilo Director Wilhelm Malones nga steady lang ang presyo sang anum ka brand sang semento nga gina-monitor kon ikumparar sang nagligad nga semana. Apang gin-ako sini nga nagsaka ang presyo sang semento kon ikumparar isa ka tuig na ang nakaligad nga nagalab-ut sa 5% tubtob 7%.
May mga reports nga nagareklamo ang mga contractors sang nagkalain-lain nga proyekto sa syudad kag probinsya bangud sang ginpahayag padayon nga pagsaka sang presyo sang semento. Bisan ang iban nga materyales sa pagpatindog sang balay suno kay Malones ang wala man sang price increase kon ikumparar sang nagligad nga tuig. (Aine Grace Bravo)