Ariel Castañeda
LEEO Head Ariel Castañeda

Iloilo City–Naka-ayo na ang boiler sa Iloilo Slaughterhouse sa Barangay Tacas, Jaro.

Ini ang ginpahibalo ni Local Economic Enterprise Office (LEEO) Head Ariel Castaneda. Agosto 18 sang na-untat ang ihaw sa slaughterhouse bangud sang pag-leak sang boiler. Kahapon, naka-ayo na ang boiler sa diin nagastuhan ang city government sang P60,000.

Agud malikawan ang kasubong nga problema, magahimo sang periodic maintenance sa boiler samtang nagahulat nga makabakal sang bag-o nga boiler nga ginabanta nagabalor sang 1.4 milyones pesos. Gin-athag naman ni Castañeda nga may nakahanda na nga pondo para sa pagbakal sang bag-o nga boiler kag indi na kinahanglan mangayo sang supplemental budget. (Aine Grace Bravo)

Leave a Reply