Iloilo Cityno to drugsIpa-idalum sa drug test ang mga nagsumiter sang ila kaugalingon para sa drug addiction evaluation kasunod sang Oplan Katok ukon Oplan Barangay Limpiyo Charlie sang Iloilo City Police Office, Philippine Drug Enforcement Agency (PDEA) 6 kag Molo PNP.

Siyam ka barangay sa Molo ang ginsulong sang joint agencies sa tuyo nga malimpiyuhan sa illegal drugs ang kabarangayan. Suno kay C/Insp. Rio Maymay, hepe sang Molo PNP, may 25 nga nagsumiter sang ila kaugalingon para magpaidalum sa drug evaluation sa Calumpang, 22 sa Salvacion Habog-Habog kag apat sa San Juan.

Ang magpositibo sa drug test suno kay Maymay, i-refer sa Department of Health para mabulong ang ila adiksyon sa illegal nga druga. Nagpanawagan man si Maymay sa iban pa nga mga drug dependents nga indi magpang-duha-duha nga magpalapit sa concerned agency para mabuligan sila. (Aine Grace Bravo)

Leave a Reply