Councilor Jay Treñas
Councilor Jay Treñas

Iloilo City–Mas madamo pa sang importante nga mga butang nga dapat himuon nga prayoridad sang siyudad sang sa sound system nga plano ibutang sa Esplanade nga balor 2 million pesos.

Para kay Councilor Jay Rrenas, indi dapat mangin top priority sang city government ang sound system. Kun music man lang suno sa iya ang ipatukar sa sound system, indi niya ini pag-paboran. Dugang niya, magakontra ini sa luyag sang kadam-an nga ang gusto mag-jogging sa esplanade, magpatawhay ukon magmuni-muni samtang naga-estambay sa Esplanade.

Sa Lunes, posible liwat nga talakayon sa session sang city council ang proposal para sa sound system. Dapat mahibaluan suno sa konsehal ang tanan nga detalye sa ginaplano nga sound system.

Si Councilor renas ang isa sa mga nagpanugyan sa session sang city council nga ipa-iway anay ang pag-aprubar sang 2 ka milyon ka pesos nga ginapangayo nga pondo para sa sound system. (Aine Grace Bravo)

Leave a Reply