Pagdala sang PUVs, gin-istriktuhan sang LTFRB

Iloilo City–Duha na ka mga dokumento ang pangitaon sang LTFRB sa madakpan nga drivers sang mga depasahero nga salakyan kon lubos na nga ma-implementar ang Driver’s Badge Program.

Suno kay LTFRB 6 Legal Officer Jose Marie Lamparero, magluwas sa driver’s license, pangitaan man sang badge ang mga driver sang public utility vehicles (PUVs). Antes makakuha sang driver’s badge, kinahanglan nga magpa-idalum sa training kag competency assessment sa TESDA ang mga PUV drivers.

Ang mga drivers lang suno kay Lamparero nga may badges halin sa LTFRB ang pasugtan nga makamaneho sang PUVs. Katuyuan sini suno sa iya nga masiguro ang kaluwasan sang mga pasahero bangud sang nagadamo nga vehicular accidents sa pungsod.

May yara tracking system para sa violations sang mga drivers ang programa kon sa diin indi ini kuwalipikado nga magmaneho ang driver kon makalab-ot sa maximum points sang violations. Magapangatubang naman sang penalidad nga indi magnubo sa 5 mil pesos ang mga PUV operators nga madakpan may drivers nga wala na-isyuhan sang badge. (Aine Grace Bravo)

About Post Author

aksyonradyoiloilo_ahuqdr

iloveshabu@gmail.com

https://www.aksyonradyoiloilo.com.ph

Happy

0 0 %

Sad

0 0 %

Excited

0 0 %

Sleepy

0 0 %

Angry

0 0 %

Surprise

0 0 %