InjectionAklan–Na-impeksyon ang kinatawo sang preso sang Aklan Rehabilitation Center matapos ginpahayag nag-inject sang baby oil.

Domingo sang gab-i sang nagreklamo si alyas Erwin, 21-anyos sa guard-on-duty nga indi makapangihi.       Suno kay OIC Provincial Warden Teddy Esto sang Aklan Rehabilitation Center, ginhingagaw dala sa ospital ang preso sang indi na ini maka-agwanta sang kasakit sang kinatawo. Natukiban sang doktor nga nagbanog ang kinatawo ni Erwin bangud sa pag-inject sini sang baby oil.

Nag-ako naman si Erwin nga nag-inject siya sang baby oil agud magdaku ang iya kinatawo. Wala sang ideya si Esto kon diin ginkuha sang preso ang syringe.

Si Erwin ang may kaso nga frustrated murder kag wala man sang sakit sa paminsaron. Wala man ini sang background nga nagagamit sang illegal nga druga. (Aine Grace Bravo)

Leave a Reply