Jocelyn Gelloagan-Maque
Naka-sentro ang Light of Peace 2015 sa banwa sang San Enrique sa Agosto 29 sa oval sang San Enrique Elementary School nga magasugod alas 5:20 sa hapon tubtub alas 7:20 sa gab-i.
Suno kay San Enrique Mayor Ramona Go, maka-akomodar ang eskuwelahan sang 10 mil tubtub 15 mil ka mga volunteers para sa candle lighting activity.
Napilian ang San Enrique nga mag-host sang Light of Peace sang nakasakay ni Go ang Thai monk director sang Middle Way Meditation Institute sa eroplano kag nagpasalig nga sa iya banwa hiwaton ang masunod nga Light of Peace ceremony.
Gina-preparahan naman sang Iloilo Police Provincial Office (IPPO) ang seguridad sang mga magatambong sa nasambit nga aktibidad.
Magapahamtang si IPPO Director Cornelio Salinas sang 60 ka police officers, 762 ka Non-commission officers kag magatukod man sang 10 ka mga task forces.