Iloilo City–Automatic nga magabulos sa nagtaliwan nga si Liga President kag Ex-Officio City Councilor Carlos Guarin bilang punong barangay sa Aguinaldo, Lapaz ang number 1 kagawad base sa law of succession.

Sa posisyon naman ni Guarin bilang Liga President, nasaad sa by-laws suno kay City DILG Director Ferdinand Panes nga magabulos ang vice president kon mabakantehan ini. Bangud sini, magapungko si Punong Barangay Reyland Hervias sang Compania Central, Molo bilang Liga President samtang magapili naman ang Liga sang magabulos sa ginbakantehan nga posisyon ni Hervias. Ang problema lang suno kay Panes amo ang posisyon ni Guarin bilang regional chairman sang Liga ng mga Barangay sa Western Visayas.

Magasumpa subong nga adlaw kay Mayor Jed Patrick Mabilog si Hervias bilang bag-o nga Liga president. (Aine Grace Bravo)

Leave a Reply