NCAEIloilo-City — Ulihi nga napadala sang Department of Education Central Office ang memorandum nga naga-reset sang National Career Assessment Examination (NCAE) sa Panay kag Guimaras.

Wala nadayon ang examination sang Grade 9 pupils kahapon kadungan sa iban pa nga eskwelahan sa bug-os nga pungsod bangud kahapon sang udto lang nag-abot ang test materials halin sa National Education Testing and Research Center (NETRC).

Nagpaguwa sang memorandum si Division of Iloilo City Officer-in-Charge Clarissa Zamora nga nagatalana sang examination sa syudad subong nga adlaw apang ginbawi naman matapos nabaton sang DepEd 6 ang memorandum nga pirmado ni Undersecretary Dina Ocampo nga nagareset sang pasinawan sa Setyembre 2.

Ginpa-athag ni Director Ledesma nga hapon na nila nabaton ang memorandum gani ginhingagaw nila nga pahibaluon ang mga divisions sa Panay kag Guimaras. (JoMaque)

Leave a Reply