Iloilo City–Nagadugo ang agtang sang 33-anyos nga commercial sex worker sang nagreklamo sa Police Station 1 batuk sa balut vendor nga customer nga ginpahayag naglampus sa iya sang kahoy nga may lansang sa Arroyo Street, City Proper kahapon.
Gin-alegar ni alyas Angelica sang Tigbauan nga gintuyo ni alyas Michael, 24-anyos sang Antique, nga higkuan ang iya nawong samtang naga-check-in sila sa motel. Suno pa kayAngelica, indi niya ma-agwantahan ang lain-lain nga position nga ginpahimo sa iya sang lalaki rason nga iya ginbayaan. Napilasan sa agtang si alyas Angelica sang ginpahayag nga ginlampusan siya sang kahoy nga may lansang.
Ginpanghiwala naman sang balut vendor ang alegasyon ni Angelica. Suno kay Micheal, indi kuntani mapuslan ang itsura sang babaye kon ginlampusan niya sang kahoy matapos siya ginpalagyuhan sang babaye.
Gin-ako ni Michael nga nabitin siya bangud wala pa sila nakatapos ni Angelica apang nagpalagyo ini. Ginpreso si Michael sa karsel sang Police Station 1. (Aine Grace Bravo)