ARRESTEDCabatuan, Iloilo — Wala ginkilala sang Aviation Security Group sang Iloilo Airport sa Cabatuan ang Mission Order (MO) nga ginpresentar sang ginpahayag asset sang Philippine Navy matapos nakuhaan sang pusil.

Suno kay Senior Inspector Rommel Ybañez sang Aviation Security Group, wala ginkilala ang MO ni Ramy Lagura, 29-anyos sang Wescom Road, San Miguel, Puerto Princesa, Palawan bangud indi man ini organic member sang Philippine Navy.

Pursigido si Ybañez nga pasakaan sang kaso nga illegal possession of firearm si Lagura bangud expired man ang lisensya sang iya pusil.

Nadakpan si Lagura sa Iloilo Airport kaina sang kaagahon kag nakuhaan sang 45-caliber pistol kag 4 ka magazines.  (JoMaque)

 

Leave a Reply