Baby boy, ginhatag sa vendor sa Molo

Molo, Iloilo City–Ginakabig nga regalo sang manugbaligya sang Indian mango sa guwa sang Iloilo City National High School ang lapsag nga lalaki nga ginhatag sa iya samtang nagabaligya kahapon.

Suno kay Manang Gemma, ginbilin sang isa ka alyas Mylene sang Tapaz, Capiz ang lapsag. Ginpahayag nga ginsaysay ni Mylene nga abyan sini ang iloy sang bata kag indi makasarang nga magtatap diri gani iya ginhatag. Ginpabutyag ni Mylene nga indi man siya makasarang magpadaku sang bata gani iya ginhatag kay Manang Gemma. Gin-alegar nga kabulig sa balay ang iloy sang bata kag ginbulagan na sang iya nobyo.

Nagpabutyag sang kahanda si Manang Gemma nga adoptaron ang bata nga ginhatag sini sa taga-DSWD para temporaryo nga atipanon. (Aine Grace Bravo)