Iloilo–Nagapati si Governor Arthur Defensor nga may iban nga grupo nga naga-lobby sa Philippine Charity Sweepstakes office (PCSO) kabangdanan na-atrasar ang pag-operate sang Small Town Lottery (STL) sa probinsya.
Natingala ang gobernador nga wala gihapon naka-operate ang iya gin-endorso nga Iloilo STL Gaming Corporation bisan nagpasalig ang PCSO sang nagligad nga bulan nga maga-operate ini. Suno kay Defensor, ginpili sini ang Iloilo STL bangud sang maayo nga record nga wala na-involved sa illegal activities.
Nagpaandam ang gobernador nga magagamo kon hatagan sang franchise ang operator sang STL nga wala niya gin-endorso. Luyag na ni Defensor nga mag-operate sa labing madali nga panahon ang Iloilo STL agud makakuha sang share sa kita ang local government units, provincial government kag Philippine National Police. (Aine Grace Bravo)