crime scene tapeJaniuay, Iloilo— Positibo nga ginpasudlan sang matig-a nga bagay ang kinatawo ni Fe Larosa, 26-anyos sang Pagunan, Lambunao nga ginlabu kag ginlampusan sa Barangay Agcarope, Janiuay sang Sabado.

Base ini sa resulta sang autopsy ni Dr. Owen Libaquin, medico legal officer sang Police Regional Office (PRO) 6. Suno kay Libaquin, ginlabu sa likod sang leog ang biktima kag may lagub sa ulo nga agi sang binangon nga gintunaan sang iya kamatayon.

May nakit-an man nga defense wounds sa wala kag tuo nga butkon sang biktima. Nadakpan ang suspek nga pakaisa man lang sang biktima nga ginkilala kay Rolly Larosa, 44-anyos sang Lambunao. (Aine Grace Bravo)

Leave a Reply