Mayor Jed Patrick Mabilog, ginpasakaan sang kaso nga graft ni Councilor Plaridel Nava sa Ombudsman

Iloilo City–Ginpasakaan ni Councilor Plaridel Nava sang kaso nga graft sa Office of the Ombudsman Visayas si Mayor Jed Patrick Mabilog kahapon.
Sa iya affidavit, gin-alegar ni Nava nga si Mayor Mabilog ang nagapanag-iya sang 3L Towing Services, ang kompaniya nga ginkuha sang syudad agud mag-operate sang gin-implementar ang Reg. Ord. No. 2014-191–An Ordinance Incorporating the Use of Wheel Clamp by Way of Supplement to Regulation Ordinance No. 2013-318 (Towing Ordinance of the City of Iloilo). Gin-isa-isa man ni Nava sa iya affidavit ang pagkakilala sini sa alkalde kag naghatag sang supplemental affidavit sa ginfile nga kaso sang journalist nga si Manuel Mejorada batuk kay Mabilog may kaangtanan sa 3L.
Gin-alegar ni Nava nga ginsugo siya ni Mabilog nga magpangita sang kompaniya agud mangin dummy sa pagpang-clamp gani gin-istorya sang konsehal si Leny Garcia, ang nagpakilala nga tag-iya sang 3L Towing. Hunyo 2014 naman suno kay Nava sang ginhatagan siya sang alkalde sang P500, 000 nga cash agud maproseso na ang pag-operate sang 3L. Sa interview sang Aksyon Radyo, gin-alegar ni Garcia nga nabaton sini ang kwarta. Suno sa iya, kumpiyansa siya sang nagsulod sa joint venture bangud ginpasalig siya ni Nava kag nagapati nga si Mayor Mabilog ang iya partner.
Sa iya naman nga Facebook page, ginpanghiwala ni Mayor Mabilog ang akusasyon ni Nava. Ginpa-athag sang alkalde nga nagdesisyon siya nga indi pagdayunon ang pagkuha sa serbisyo sang 3L agud proteheran ang interest sang mga Ilonggo. (Aine Grace Bravo)
About Post Author
aksyonradyoiloilo_ahuqdr
More Stories
‘I don’t think it’s fair sa aton mga drivers’ – ATOP president Perfecto Yap sa pahayag ni RPDEU head PMAJ Rrommel Anicete nga dakpon ang sin-o man nga maabtan sa vicinity sang ginakonsiderar drug den kun may drug buy bust operation
ILOILO CITY – Unfair sa mga drivers sang taxi kag iban pa nga salakyan ang pahayag ni PMAJ Rommel Anicete,...
75 personnel sang Mandurriao Police Station, 15 personnel sang CDEU gin-relieve
ILOILO CITY – Indi lang mga chiefs of police sang nagkalain-lain nga police stations sa siyudad sang Iloilo ang ginpang-relieve...
Mag-utod pilason sang nahulugan sang kabilya sa gina-obra nga building sa Megaworld
ILOILO CITY – Under observation sa ospital ang duha ka construction workers nga pilason sang natumbahan sang daku nga kabilya...
Pagsirado sa entrance gate sang Western Visayas Sanitarium Gen. Hospital ginreklamo
ILOILO – Ginreklamo sang mga residente ilabe na sang mga tricycle drivers sa Bolong Este kag Bolong Oeste, Santa Barbara...
ICPO naghatag sang bulig sa mga nasunugan sa Molo
ILOILO CITY – Naghatag sang bulig ang Iloilo City Police Office sa mga nabiktima sang sunog sa Molo. Nakabenepisyo ang...
Kada Pinoy may P120, 271 nga utang kun tungaon ang P13.4 trillion nga utang sang Pilipinas suno sa Ibon Foundation
May utang nga P120, 271 ang kada Filipino kun tungaon ang P13.4 trillion nga national debt sang Pilipinas. Ini ang...
Average Rating