crime scene tapeLambunao, Iloilo — Ginapatihan nga natripingan lang ang 30 anyos nga pangayaw nga mamiesta sa Lambunao kaina sang kaagahon.

Suno kay SPo2 Ramon Legayada sang Lambunao Police Station, nagpamangkot ang biktima nga si Jeffrey Magarso, 30-anyos sang Abilay Maasin, sa tatlo ka lalaki kon may biyahe pa pakadto sa balay sa iya tiyo.

Apang ginpahayag nga pagtalikod sang biktima, gintiro ini sa likod gamit ang dedose kag naglapos gid sa dughan ang bala.

Gindala pa sa ospital sa Lambunao si Magarso apang napatay makaligad ang pila ka minutos. Wala pa nakilala ang tatlo ka mga suspetsado. (JoMaque)

Leave a Reply