Akusasyon ni Councilor Plaridel Nava nga si Mayor Jed Patrick Mabilog ang tag-iya sang 3L Towing Services, ginpanghiwala sang alkalde

Iloilo City–Wala sang basehan ang akusasyon nga si Mayor Jed Patrick Mabilog ang nagapanag-iya sang 3L Towing Services bangud siya man mismo ang nagdumili sa kompaniya nga magpakig-transaksyon sa city government.

Reaksyon ini sang alkalde sa pahayag ni Leny Garcia, ang nagpakilala nga tag-iya sang 3L Towing Services nga nakapirma sila sa joint venture agreement. Suno kay Mabilog, bisan may legal opinion ang city legal office nga indi na puwede makapaidalum sa bidding ang 3L, ginpamilit niya gihapon nga mag-agi ini sa competitive bidding. Ini ang rason suno sa iya nga nag-withdraw sa kontrata ang kompaniya kag ginbawi man niya ang iya pirma sa kasugtanan sa 3L para sa joint venture agud mag-implementar sang clamping ordinance.

Suno sa alkalde, nadumduman sini nga nakabakal ang syudad sang anum ka wheel clamps sang 2012 rason nga ginpakamaayo niya nga gamiton na lang kag indi na magkuha sang serbisyo sang pribado nga kompaniya. Una na gin-alegar ni Councilor Plaridel Nava nga si Mayor Mabilog ang matuod nga tag-iya sang 3L kag dummy lang si Garcia. (Aine Grace Bravo)

About Post Author

aksyonradyoiloilo_ahuqdr

iloveshabu@gmail.com

https://www.aksyonradyoiloilo.com.ph

Happy

0 0 %

Sad

0 0 %

Excited

0 0 %

Sleepy

0 0 %

Angry

0 0 %

Surprise

0 0 %