Western Visayas 
— Mas mabaskog nga bagyo ang naga-develop sa tiun sang El Niño.
Isa ini sa mga rason suno kay Engr. Oscar Tabada, OIC sang PAG-ASA Visayas kun nga-a dapat mas magpanghanda ang publiko. Suno sa iya, mas mabaskog ang bagyo bangud mainit ang sea surface temperature.
Sa dagat naga-develop ang bagyo kag ginapabaskog ini sang mainit nga temperatura. Mas mabaskog man ang ulan kag hangin nga ma-experiensiyahan. Average nga 20 ka bagyo ang nagasulod sa Philippine Area of Responsibility kada tuig pero subong nga 2015, siyam pa lang ka mga bagyo ang nagtupa sa pungsod.
Nagpa-andam man si Tabada nga may tiun nga sa pagtapos sang malala nga El Niño, nagabulos man ang La Niña phenomenon sa diin mabatyagan naman ang indi kinaandan nga pag-ulan. (Aine Grace Bravo)