Iloilo City–Indi na makapirma sa final report sang joint committees sang City Council nga naga-imbestigar sa konrobersyal nga pagbakal kag pag-install sang mga traffic lights sa syudad sanday Councilors Plaridel Nava kag Joshua Alim.

Suno kay Councilor Jason Gonzales, chairman sang Committee on Good Government, ang duha ka mga bag-o nga chairman sang Committee on Transportation kag Committee on Rules nga sanday Councilors R. Leone Gerochi kag Ed Pe├▒aredondo ang magapirma sa final report. Apang welcome gihapon suno kay Gonzales ang ihatag nga input ni Nava sa report bangud ini ang nagduso sang imbestigasyon. Mahimo lang suno sa iya nga makita ni Nava ang final report kon may idugang ini nga input.

Gin-ako ni Gonzales nga wala pa nila nadiskusyunan nanday Alim kag Nava ang mga detalye sang report bangud ulihi nila nga na-istoryahan amo ang mga pamangkot nga ipadala sa mga department heads. (Aine Grace Bravo)

Leave a Reply