3Iloilo City–Naka-full alert status na ang bug-os nga pwersa sang Police Regional Office (PRO) 6 bangud sa pagsugod sang Asia Pacific Economic Cooperation (APEC) 2015 meetings sa Iloilo City.

Masobra lima ka libo ka mga pulis ang ginpalapta sa bug-os nga syudad agud masiguro nga safe ang mga delegado kag bisan ang mga pumuluyo tubtob matapos ang events. Sang Sabado, ginpangunahan ni APEC 2015 National Joint Task Force Commander kag PNP Chief Director General Ricardo Marquez final pre-deployment conference sang task force agud siguraduhon ang kahanda sang mga ahensya sang gobyerno. Ang PNP ang magapanguna sa security kag peace and order kaupod ang Philippine Army, Navy, Air Force kag Coastguard. Ipahamtang man ang mga personnel sang Department of Health, Philippine Red Cross, Bureau of Fire Protection kag mga rescue groups malapit sa venue sang meeting kag mga hotels nga ginadayunan sang mga APEC delegates.

APEC Schedule

Nagsugod na ang Small and Medium Enterprise (SME) Ministerial Meeting kaina sang aga kag magatakup sa September 25. Ang Senior Disaster Management Officials Forum natalana naman sa Setyembre 22 kag 23 kag ang High-Level Policy Dialogue on Food Security and the Blue Economy and related meetings sa Setyembre 28 tubtob Oktubre 6.

Una na nga nag-abot ang ginabanta sa 500 ka delegado para sa National Micro, Small and Medium Enterprises Summit kag ginalauman nga maga-abot anuman nga oras ang masobra isa ka libo pa ka delegado nga magatambung sa iban nga events.

Main venue ng ministerial meetings ang Iloilo Convention Center nga gin-inagurahan ni Presidente Benigno Aquino III sang September 14. (Aine Grace Bravo)

Leave a Reply