Gov. Arthur Defensor, nagbalibad sa pagbuyagyag sang kaundan sang closed-door conference sini kaupod ang pamilya Garin
Read Time:43 Second
Iloilo—
Naglawig sang masobra isa ka oras ang closed-door conference ni Governor Arthur Defensor sa pamilya Garin sa iya opisina sa Provincial Capitol kahapon.
Full-force ang pamilya Garin sang nag-abot sa opisina sang gobernador nga ginalakipan nanday former Congressman Oscar Garin, 1st District of Iloilo Congressman Richard Garin, Board Member Ninfa Garin kag Guimbal Mayor Christine Garin. Nakita nga seryoso si former Congressman Garin sang naguwa sa opisina ni Defensor.
Nagbalibad naman si Defensor nga magbuyagyag sang kaundan sang meeting samtang naglikaw ang anay kongresista sang ginpamangkot kon may kahilabtanan sa pulitika ang ila sinapol sang gobernador. Sa baylo, ginrason sini nga parte lang sa pagpanguma kag pagsagod sang kasapatan ang ila gin-istoryahan bangud hilig ini ni Defensor.
Una na ginpabutyag sang anay kongresista nga available siya magkandidato para sa pagka-bise gobernador sa 2016 elections. (Aine Grace Bravo)
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0
More Stories
Aksyon Night Patrol | September 21, 2023
https://www.youtube.com/watch?v=3D_oWaqfTMI with Aksyon Cedrick Anona
AKSYON LOVELINES | SEPT. 21, 2023
https://www.youtube.com/watch?v=-8mGkrp2Rb0 Editor’s Note: AKSYON RADYO ILOILO welcomes different opinions and comments to stories posted in our page. We value healthy...
AKSYON BALITA BANAT BULIG | SEPT. 21, 2023
https://www.youtube.com/watch?v=Foh777l1MBc Editor’s Note: AKSYON RADYO ILOILO welcomes different opinions and comments to stories posted in our page. We value healthy...
Pagbutang sang traffic cones sa inner lane pasaka sa Ungka Flyover ginakonsiderar sang Pavia Traffic Management Office
Ginakonsiderar sang Pavia Traffic Management Office nga magbutang sang traffic cones sa inner lane pasaka sa Ungka flyover. Ini agud...
Dugang nga 2.30 meters nga vertical clearance ginpahamtang sa approach sang Ungka Flyover
Ginpaathag ni DPWH 6 OIC, Engr. Sanny Boy Oropel, ginalauman nga buksan sa light vehicles ang Ungka Flyover buwas sa...
Average Rating