JEFFREY GANZON
Former Councilor Jeffrey Ganzon

Iloilo City–Ginkumpirmar ni former City Councilor Jeffrey Ganzon nga magasumpa siya bilang bag-o nga miembro sang Liberal Party.

Preparasyon ini suno sa iya sa pagpadalagan niya bilang konsehal sang syudad sa 2016 elections. Suno kay Ganzon, nakapaminsar siya nga mag-ilis sang partido agud makahatag sang maayo nga proyekto, serbisyo kag kaayuhan para sa mga pumuluyo sang syudad.

Nagapati ini nga sa iya pagsulod sa LP, mangin mahapos para sa iya ang pagpangayo sang proyekto para sa mga pumuluyo. Gin-athag sang anay konsehal nga ang desisyun niya sa pagsaylo LP ang resulta sang iya konsultasyon sa pamilya, mga abyan kag mga kaupod sa simbahan.

Ginpanghiwala man sini nga may kabaylo ang iya pag-ilis sang partido. (Aine Grace Bravo)

Leave a Reply