Iloilo City — Gin-pick up sang taga-City Social Welfare and Development Office (CSWDO) si alyas Boknoy nga bata-bata ni Father Espiridion “Boy” Celiz sang Molo Parish Church.

Suno sa iloy ni Boknoy nga isa ka special child, Setyembre 24 sang ginpick up ini malapit sa Molo Church.

Ginpahayag ni Boknoy nga gindala ini sa isa ka lugar apang indi niya mabal-an kon diin.

Ginpabutyag sang iloy ni Boknoy nga nagapauli kada adlaw ang iya bata.

Ginpahayag sang iloy nga si Father Boy na ang nagkuha kay Boknoy sa taga-CSWDO.

Una na gin-ako sang CSWDO nga ginpasangkad lang nila ang kampanya sa mga nagapakilimos, mga ati, mentally ill kag street children antes ang APEC Meetings sa syudad apang maathag nga madugay naman ini nga ginakampanya sang syudad. (JoMaque)

Leave a Reply