Negosyante, patay matapos natiruhan sang Security Guard!

Pototan, Iloilo — Patay ang negosyante nga natiruhan sang guwardya sang One Network Bank sa Ladrido Street, Pototan kaina sang aga.

Ginkilala ang biktima kay Francis Erad, 30 anyos sang Ledesma Ward sa amo man nga banwa.

Gindala pa ini sa Iloilo Provincial Hospital sa Barangay Rumbang apang gindeklarar nga dead-on-arrival (DOA) bangud sang pilas sa guya.

Nagsurrender naman sa mga pulis ang suspek nga si Nonito Decretales, 26 anyos, sang Barangay Agcalaga, Calinog.

Suno kay Senior Inspector Ariel Corsino, may natabu nga indi paghangpanay sa tunga sang suspek kag biktima.

Ginpahayag nga gin-uyatan sang biktima ang service firearm nga shotgun ni Decretales antes ini natiruhan. (JoMaque)