Mga lider sang Cause-oriented Group nga nagpanghaboy sang bato sa Riot police sa Jaro, pasakaan sang Kaso Kriminal

Iloilo City — (UPDATE) Pasakaan sang kaso kriminal ang mga lider sang cause-oriental group nga Alab Katipunan nga nagpanggamo kahapon sa L-98, Jaro.

Ginpahayag ni Senior Supt. Cornelio Salinas, APEC Security Ground Commander nga matapos ginbuno sang kawayan, ginhabuyan pa sang baog nga mga itlog kag higko sang tawo ang gma anti-riot police nga ginkapilas sang 14 ka Police Officer 1.

Una na nga gindakop si Southern Iloilo Alab Katipunan leader Joel Gepaya.

Nagluntad ang kinagamo sang ginpamilit sang mga rallyista ngfa mag-agi sa Desamparados Jaro paliko sa Diversion Road Mandurriao bisan pa nga sa La Paz Plaza lang ang dapat nila hiwatan sang rally.

Ginasinggitan sang mga rallyista nga indi sabat sa gutom kag naga-antos nga mga mangunguma ang ginahiwat nga APEC ministerial meetings. (JoMaque)