Iloilo City–Ginpanghiwala ni General Services Office (GSO) head kag City Bids and Awards Committee (BAC) Chairman Joren Sartorio sa alegasyon ni Councilor Plaridel Nava nga overpriced ang anum ka mga wheel clamps nga ginbakal sang syudad sang 2012.

Ginpanindugan ni Sartorio nga nag-agi sa ensakto nga proseso sang bidding ang pagbakal sang mga wheel clamps. Indi suno sa iya pagbasehan sa pagbakal ang presyo sang kada unit bangud may yara ini sang mga specifications. Posible suno kay Sartorio nga lain ang specifications sang wheel clamps sang 3L Towing Services kon ikumparar sa specifications sang Narita Electric Center nga nagdaug sa bidding.

Ginatugyan naman ni Sartorio kay Mayor Jed Patrick Mabilog ang pagsabat kon ngaa nagbakal ang syudad sang mga wheel clamps sang 2012 nga indi man magamit bangud wala pa napasar ang clamping ordinance. Hulaton ni Sartorio ang kopya sang gin-file nga kaso kriminal kag administratibo ni Nava antes magpa-athag sa isyu. (Aine Grace Bravo)

Leave a Reply