Iloilo City — Madugay na ginapa-athag sa mga pulis ang ka-importansya sang pag-imbestigar sa krimen antes magpasaka sang kaso sa suspek.

Pa-athag ni Atty. Jerome Asuga sang National Police Commission (NAPOLCOM 6), dapat tutukan sang mga pulis ang imbestigasyon agud indi magsala sa pagdakup sa suspek.

Ginpahanumdom sini sa mga pulis nga ginalapas ang kinamatarung sang isa ka tawo kon dakpon nga wala sang nagaka-igo nga ebidensya.

Nagpa-andam si Asuga nga may salabton ang police officer nga magdakup sa isa ka tawo nga wala sang balasehan.

Ginpa-athag ni Asuga nga ang hot pursuit amo ang paglagas sa suspek apang dapat may personal knowledge ukon nakita gid sang nagalagas ang suspek ukon may bitbit ini nga warrant of arrest.

Mahimo man suno sa iya maka-upod ang biktima sa hot pursuit agud matudlo sini ang suspek. (JoMaque)

Leave a Reply