HiResIloilo–Kumpirmado na ang pagpakig-alyansa ni former 4th District of Iloilo Congressman Ferj Biron sa Liberal Party sa probinsya.

Ini ang ginpahibalo ni Governor Arthur Defensor kasunod sang pag-istoryahanay nila ni Biron may kaangtanan sa pulitika.  Nahisugtan nanday Defensor kag Biron ilabe na ang Abyan Ilonggo sang anay kongresista nga suportahan ang kandidato sang LP halin presidente, bise presidente, senador, gobernador, bise gobernador kag provincial board members. Nagpamalibad naman si Biron nga suportahan ang kandidato sang LP sa pagka-mayor, vice mayor kag Sangguniang Bayan members bangud may ginaduso ini nga mga kandidato sa 4th district.

Samtang gin-ako sang gobernador nga wala pa siya sang running mate sa 2016 elections. Nagadepende suno sa iya sa pamunuan sang Liberal Party kon sin-o ang piliun nga mangin ka-tandem niya bangud ang partido ang magapirma sang certificate of nomination and acceptance (CONA). (Aine Grace Bravo)

Leave a Reply