Pototan, Iloilo — (UPDATE) Ginpasakaan na sang kaso ang mga suspetsado nga nagtiro patay kay SPO1 Nestor Peregrino, assign nga chief investigator sang Janiuay PNP.crime scene tape

Kaso nga murder suno kay Senior Inspector Ariel Corsino, ang hepe sang Pototan PNP, ang ginpasaka sa mga suspetsado nga sanday Ricky Calambro, 42-anyos sang BInalud Alimodian; Venjie Selagiora, 30-anyos sang Taft Railway, Sta Barbara kag ang at-large nga si Edmel Pendon alyas Pa-oc, 38-anyos sang Brgy. Naga, Pototan.

Autopsy

Indi na matabangan pa si SPO1 Peregrino bisan dal-on sa ospital.

Nagapakita sa autopsy result ni PRO 6 Medico-Legal Officer Dr. Owen Lebaquin nga fatal ang pilas sang biktima sa dughan bangud naapektuhan ang iya baga kag corazon.

Magluwas sa dughan, may pilas man ini sa guya.

Nagdul-ong kahapon sang aga si Peregrino sa iya kabataan kag hinablos sa eskuwelahan sakay sa tricycle sang nag-overtake ang motorsiklo nga ginsakyan sang mga suspetsado kag gintiro ang biktima.

Duha sa tatlo ka mga suspek ang ang nadakpan sa follow-up operation sang kapulisan. (JoMaque)

Leave a Reply