COUNCILOR JASON GONZALES
Iloilo City Councilor Jason Gonzales

Iloilo City–Delicadeza ang nagtulod kay Councilor Jason Gonzales nga mag-resign sa city council epektibo sa Nobyembre 1.

Makahuluya suno kay Gonzales nga mabaton siya sang sweldo sa syudad samtang ginatutukan ang iya kandidatura sa pagka-alkalde sa Lambunao. Posible naman nga madismaya ang mga pumuluyo sang lambunao kun indi siya mag-resign bangud indi siya makaserbisyo sang maayo.

Nahibaluan naman ni Gonzales nga wala sang probisyon sa laye nga kinahanglan magresign ang elected official bisan pa magdesisyun nga magpadalagan sa iban nga lugar. Gin-athag ni Gonzales nga personal niya nga desisyun ang mag-resign bisan pa ginakumbinser siya sang mga kaupod sa konseho nga mag-file lang sang leave.

Ginahingagaw na lang sini nga tapuson ang mga nabilin niya nga obra sa city council antes agud makatutok siya sa pagserbisyo sa mga pumuluyo sang Lambunao. Posible nga i-sumiter ni Gonzales ang iya resignation letter sa masunod nga session sang konseho ukon sa Oktubre 27. (Aine Grace Bravo)

Leave a Reply