Iloilo City — Napirmahan na ang covenant sa tunga ni Governor Arthur Defensor, provincial chairman sang Liberal Party kag former 4th District Congressman Ferj Biron, chairman sang Abyan Ilonggo Party-list.

Nalakip sa kasugtanan sang pagpakig-alyansa sang Abyan Ilonggo sa Liberal Party amo ang pagsuporta sa kandidatura ni Presidential candidate Mar Roxas, Vice-Presidential candidate Leni Robredo kag LP senatorial candidates kag kay Governor Defensor.

Wala nalakip sa kasugtanan nga suportahan ni Biron ang mga kandidato sang LP sa Quarto Distrito bangud may kandidato man ang Abyan Ilonggo.

Magluwas kanday Biron, Defensor, nagpirma man sa covenant bilang mga witness sanday City Lone District Congressman Jerry Treñas; Representative ni LP standard bearer Mar Roxas nga chairman sang LP committee on new membership; Congressman Arthur Defensor, Jr. 3rd District-LP chairman kag anay Vice Governor Rolex Suplico, presidente sang Abyan Ilonggo.   (JoMaque)

Leave a Reply