#Desisyon 2016: Governor Arthur Defensor, nagpasalig nga suportahan ang mga kandidato sa pagka-alkalde sa mga banwa nga kilala nga balwarte ni former Cong. Ferj Biron

Iloilo–Suportahan sang Liberal Party ang mga kandidato sa pagka-alkalde sa mga banwa nga na-identify nga balwarte ni anay Congressman Ferj Biron.

Partikular nga gintumod ni Governor Arthur Defensor ang Dumangas, Banate kag San Enrique. Suno kay Defensor, indi nila pagpabay-an ang ila mga kandidato bisan pa nagpirma sang “Covenant for a United Iloilo” upod kay Biron kahapon. Sa pagka-mayor naman sa mga banwa nga identified sa Abyan Ilonggo ni Biron nga ginalakipan sang Barotac Nuevo, Anilao, Dueñas, Dingle kag Passi City, indi LP ang maga-isyu sang certificate of nomination kundi ang Ugyon Party ni former Governor Niel Tupas.

Gin-athag naman ni Biron nga wala sang kandidato ang LP sa lima ka banwa nga yara sa idalum sang Abyan Ilonggo. Apang libre suno sa iya nga maka-field sang kandidato ang Abyan Ilonggo sa mga banwa nga may official candidate ang Liberal Party. (Aine Grace Bravo)