Iloilo–Patal nga pilas sa dughan ang gintunaan sang kamatayon ni SPO1 Nestor Peregrino sang Brgy. Naga, Pototan kag assign sa Janiuay Police Station.

Sa autopsy result ni Police Regional Office (PRO) 6 Medico Legal Officer Dr. Owen Lebaquin, naigo ang baga kag korazon ni Peregrino. May yara man ini sang pilas sa guya.  Naagapati si Lebaquin nga shotgun ang gingamit sa pagtiro sa dughan ni Peregrino samtang 38-caliber revolver naman sa iya guya.

Nagdul-ong sang iya kabataan kag hinablos si Peregrino sang gintuparan sang tatlo ka mga suspetado nga nakasakay sa motorsiklo kag gintiro.

Duha sa tatlo ka mga suspetsado ang nadakpan sa follow-up operation nga amo sanday Ricky Calambro, 42-anyos sang Binalud, Alimodian kag Venjie Selagiora, 30-anyos sang Taft Railway, Sta. Barbara. Nagapabilin nga at-large ang isa pa ka suspek nga si Edmel Pendon alyas Pa-oc, 38-anyos sang Naga, Pototan. (Aine Grace Bravo)

Leave a Reply