CONGRESSMAN JUNJUN TUPASIloilo City — Ginsorpresa ni 5th District of Iloilo Congressman Niel Tupas, Jr. ang mga katapo sang media sang gin-file sini kaina sang aga ang iya certificate of candidacy sa pagka-Vice Governor sang Liberal Party sa masunod nga tuig nga piniliay.

Nagdumdom ang iban nga gin-updan lang ni tupas sa Provincial Comelec Office sa La Granja La Paz ang iya misis nga si Atty. Yvonne Angeli Lee Tupas nga nag-file sang COC sa pagka-kongresista sa 5th district.

Apang alas-9:05 sang aga, gin-file man ni Congressman Tupas ang COC sa pagka-Vice Governor.

Ginpabutyag sang kongresista nga bisan siya ang nasorpresa man apang suhestyun suno sa iya sang iya amay-former Governor Niel Tupas ang pagpadalagan niya nga Vice Governor kag ginkonsulta man sa LP ang desisyon.

Suno kay Tupas, ginbaton sini ang posisyon bangud luyag pa sini magserbe sa pumuluyo sa probinsya.

Gin-ako naman ni Tupas nga wala sang kamot si Governor Arthur Defensor sa pagpili sang Vice Governor sa idalum sang LP.

Suno sa kongresista, kaina sang aga man lang sini nakumpirmar sa gobernador nga siya ang mangin running mate sini sa 2016 elections. (JoMaque)

Leave a Reply