Iloilo — (UPDATE) Nagbalibad sa paghatag sang komento si Elsa Copina matapos gindalahig ini sa kaso nga murder may kaangtanan sa pagpatay kay SPO1 Nestor Peregrino assign sa Janiuay Police Station.

Wala na naguwa sa iya balay sa Tabucan, Cabatuan si Copina sang ginkadtuan sang Aksyon Radyo reporter kaina sang aga.

Suno sa utod kag hinablos ni Copina, nagalain ang pamatyag sini.

Nadala sa kaso nga murder si Copina kag ang live-in partner sini nga si Edmel Pendon nga kasimaryo ni SPO1 Peregrino sa naga Pototan.

Si Copina ang nakaaway sadtu ni Peregrino kag nagpasaka sang kaso batuk sa pulis sa National Police Commission (NAPOLCOM) apang na-dismiss.

Una na ginkasuhan sang murder ang mga nadakpan nga suspetsado nga sanday Ricky Calambro sang Alimodian kag Venjie Selagiora sang Sta. Barbara. (JoMaque)

Leave a Reply