Guimbal Mayor Christine GarinGuimbal, Iloilo–Gin-ako ni Mayor Christine Garin nga naglain ang iya buot sang nag-file si Congressman Junjun Tupas sang certificate of candidacy (COC) para sa pagka-bise gobernador bisan wala pa nahuman ang istoryahanay kun diin sa pamilya Garin kag Tupas magahalin ang kandidato sang Liberal Party para sa amo nga posisyon.

Pero sa pihak sini, nagapasalamat si Garin nga natabu ini bangud naduso siya nga magdesisyon nga magkandidato man sa pagka-vice governor para mapilian ang mga pumuluyo. Amminado si Garin nga sang naghambal pa lang si incumbent Vice Governor Boboy Tupas nga indi na ini magpa-reelect, gilayon ini naistoryahan sang pamilya. Madugay naman suno sa iya nagpabutyag sang intensyon ang mga Garin nga luyag nila ang amo nga posisyon.

Nagapati si Garin nga bisan pa balwarte sang mga Tupas ang 5th district, pero may makuha ini nga boto sa distrito bisan paano. (Aine Grace Bravo)

Leave a Reply