BuenavistaIloilo City–Napatay sa Iloilo St. Paul’s Hospital kaina sang aga ang isa sa mga pasahero sang nagkulob nga motorbanca sa tunga-tunga sang Iloilo-Guimaras strait kahapon.

Gindeklarar nga napatay kaina sang kaagahon si Mary Ann Gallego. Bangud sini, nagsaka na sa pito ang mga napatay sa trahedya. Una na nga nakumpirmar ang pagkapatay sang mga crew nga sanday Larry Abella nga presidente sang Jordan Sailors’ Association kag Robin Gania, 54-anyos nga makinista sang pumpboat. Napatay man ang mga pasahero nga sanday Cora Ganila, mag-utod nga Mark Reial kag Luke Shylle Matta, kag Cristine Darrly Vasquez.

Padayon man nga ginabulong sa ospital sa syudad sanday Sherry Beth Silverio kag Riz John Sadaba. Wala untat ang pagpangita sang Coast Guard-Iloilo kag mga volunteer groups sa mga missing nga pasahero nga sanday CJ Gamotia kag Chayne Matta. Nakita na kaina sang aga ang nagkulob nga MB Tawash sa Barangay Tacay, Buenavista, Guimaras. (Aine Grace Bravo)

Leave a Reply