STABSta. Barbara, Iloilo–Nasapwan nga patay sa higad sang karsada ang lalaki sa Sitio Saba, Brgy. Hibao-an kahapon.

May pilas sang pagkabuno sa wala nga parte sang leog kag pilas sang pagkalampos sa agtang ang biktima nga si Danilo Maravilla, 48-anyos sang amo man nga lugar. Ginpahayag nga ginsundan sang wala nakilala nga suspetsado si Maravilla halin sa belasyunan antes ini nasapwan sang isa ka residente.

Suno kay SPO1 Andre Lacuesta sang Sta. Barbara PNP, ginasunod nga motibo sa krimen ang posible away sa sugal kag daan nga hiligut-anon. (Aine Grace Bravo)

Leave a Reply