Pagakadtuan sang P360-M nga pundo nga utangon sang Siyudad sa bangko, ipatindog sang 9 ka mga bag-o nga buildings para sa incoming Senior High School Students

Iloilo City — 9 ka bag-o nga buildings para sa incoming senior high school students ang ipatindog sang city government.

Ini ang kadtuan sang P360 million nga pondo nga utangon sang syudad sa bangko agud ma-akomodar ang mga senior high school students sa School Year 2016-2017.

Suno kay Councilor Jason Gonzales nga chairman sang Committee on Education, 4-storeys ang ipatindog nga buildings kag 20 ka classrooms ang ibutang sa kada building.

Nag-survey suno sa iya ang Department of Education sang mga eskwelahan sa syudad nga maka-akomodar sang bag-o nga school buildings para sa senior high school students nga kabahin sang K-to-12 program sang gobyerno.

Gin-athag naman ni Gonzales nga ang resolution nga ginpasar kahapon sa city council ang nagahatag sang otoridad kay Mayor Jed Patrick Mabilog agud maka-negosyar sang ulutangan nga bangko.

Gina-claim ni Gonzales nga ang local government ang naga-abaga sang mayorya sang gasto sa K-to-12 program sang DepEd kag masiguro nga handa ang pag-implementar sang Senior High School Program.  (JoMaque)

About Post Author

aksyonradyoiloilo_ahuqdr

iloveshabu@gmail.com

https://www.aksyonradyoiloilo.com.ph

Happy

0 0 %

Sad

0 0 %

Excited

0 0 %

Sleepy

0 0 %

Angry

0 0 %

Surprise

0 0 %